Loading Content...

如果可以為高鐵加上一個限期,你希望係……?

鄰近經濟大國近年發展海外鐵路項目,但係每每失敗。

例如尋日,美國西部快線公司就終止中資嘅拉斯維加斯至洛杉磯項目,本身全長370公里,總投資額127億美元。

類似既重有「中泰鐵路」,雖然係就係起緊,但比起2015年7月一早傾好既250公里,泰國決定只係起三分之一左右(曼谷至呵叻)。項目原涉及51億美元,打算連接兩地。現今就改為唔起出境部份,甚至泰國決定唔靠中國,由貸款改為自籌資金。

再望遠啲,2014年係墨西哥。本身諗住由墨西哥城駁去克雷塔羅,全長210公里,總價44億美元。但墨西哥最後寧願賠131萬美元,都決定要擱置項目。

但係香港呢,就鍾意反其道而行嘅。除咗一開始已經貴絕全球,669億(約86億美元)只係得26公里之外,而家仲反口要追加196億超支撥款,甚至變慢……而香港政府當然係繼續唔理市民意見,繼續起!

其他國家都識懸崖勒馬,究竟香港幾時先可以?
高鐵應該盡快斷尾止蝕,然後將地盤改做其他用途。
地下商場、公共用地、大型war game 場、地獄主題公園等……其實咁大地方,“Why not all?“

爛尾高鐵地盤新用途創作大賽:https://goo.gl/upKXGq

消息及聲明