Loading Content...

未命名

義工招募

曾經,我地相信「搵食啫」、「犯法呀」、「我想㗎」三句萬能key可以解答世上一齊難題。
「咩係政治?」、「一國兩制你支唔支持?」、「三司十二局有邊個?」Who cares?我真係識條鐵咩。

曾經,我地同好多香港人一樣,天真到以為可以講「我討厭政治!」。唔需要關心社會,每日返屋企就係打機睇波上網抽水,生活就只有吃喝玩樂。
直至2014年9月尾,數以十萬計香港人企出嚟向政府表達意願,爭取應得嘅權利,但最後換來嘅就只有無數警棍同催淚彈。個一刻,我地終於睡醒了!

今日,雖然不公不義嘅政改已經告一段落,但香港前途仍然危在旦夕。保皇黨把持嘅議會不但無監督政府,更連同政府狼狽為奸,企圖通過一個又一個違背港人意願嘅法案。要撥亂反正,議會抗爭、街頭抗爭,缺一不可。因此,我地成立「青年新政」,決心重奪議會,改變香港。

可能你會覺得我地以卵擊石,不自量力。但係,歷史上從來都無必勝嘅革命!
失敗並唔可怕。真正可怕嘅係香港人嘅自治權被剝奪!真正可怕嘅係獨立自主嘅高等學府被政治干擾!真正可怕嘅係警察成為政府打壓市民的工具!你甘心你同你屋企人繼續生活係呢個「叫做香港嘅地方」咩?

青年新政,資源、人手都十分缺乏。但我地相信,只要有更多香港人願意企出來,一齊克服過往嘅無力感,滴水可以穿石、聚沙亦可以成塔。香港,一定會因為我地每人嘅一小步而變返真正嘅香港。

希望各位可以企出來,為香港贏一次!懇請你,同我地一齊行落去!
「青年新政」是一個由青年組成的本土組織,目標是革新議會、推動本土思潮,為香港帶來改變。

請加入成為我們的義工
登記表格: http://goo.gl/forms/JgkbNcitAK

消息及聲明